Ág̃a 28 ha 29 jasypateĩ ko arýpe, Fundación Yvy Marãe’ỹ ha Instituto Técnico Superior de Estudios Culturales y Lingüísticos Yvy Marãe’ỹ ojapotahína Ñe’ẽasa, Tapereka, Arandupyheta ha Ñe’ẽheta rehegua Amandaje Oĩhápe Tetãygua ha Pytaygua X «Ypykuéra Ñe’ẽita Yvy Ape Arigua Pa Ary» – X Seminario Internacional sobre Traducción, Investigación, Diversidad Cultural y Lingüística «Decenio Internacional de las Lenguas Indígenas», oñe’ẽtahápe heta tapicha arandu ko tetã ha ambue tetãygua.

Ko Amandaje X-ha, oñembosako’i ojeguerohoryjávo Yvy Marãe’ỹ ombotýre 20 ro’y (2005-2025), ha heseae oñemombaretese pa’ũ tembikuaa ha arandupy oñemyasãi ha ojekuaaukaha, mokõive temimoĩmby omboguatáva oúvo 2016 guive, jahechápa tapicha ohapykuerekáva tembikuaa, ñe’ẽpykuaahára, avakuaatyhára, ñe’ẽasahára, tapicha ohape’apo, omyasãi ha ombohekove resãiva ñe’ẽ Paraguái ha ambue tetã América ha Europa-ygua omyasãi hembiapokueita ha ombohasa ojupe hembiasakue omba’apóvo ñe’ẽ ha arandupy yvotyty ñeñeñangareko ha ñemyasãime.

Ko tapicha arandu ñuvaitĩ guasu oikóta Yvy Marãe’ỹ rógape, opytáva tape Coronel Romero 318 ha Coronel Bogado, San Lorenzo távape. Oñemoñepyrũvo ojejuhúta Fundación ha Instituto moakãharakuéra ha avei karai Paraguái Ñe’ẽnguéra Rerekuã Sãmbyhyhára. Tapicha ndaikatúiva oñemboja upe tenda peve ikatúta oike yvytu pepo rehe Google Meet ha Yvy Marãe’ỹ red social rupive. Ojeike hag̃ua oñemyenyhẽva’erã ko formulario: https://forms.gle/H3wurrjvB3bDM7b3A. Omba’eporanduséva ikatu ojapo pumbyry 0983866818 térã ñe’ẽveve rupive: yvymaraey@yvymaraey.com.py.

San Lorenzo, 18 jasypateĩ 2025